Marangal Mindan Thudangiyal മരങ്ങള്‍ മിണ്ടാന്‍ തുടങ്ങിയാല്‍

മരങ്ങള്‍ മിണ്ടാന്‍ തുടങ്ങിയാല്‍

റീബ പോള്‍

കടഞ്ഞുകൂർപ്പിച്ച ഉൾത്തിളക്കവും ചക്രവാളമുഴക്കവുമുള്ള, ക്ലേശിച്ചു മാത്രം മുറിച്ചുകടക്കാവുന്ന ഒഴുക്കുള്ള ശബ്ദകോശത്തിന്റെ ഒരക്ഷയ ഖനി സ്വന്തം ചൂളയിൽ വാർത്തെടുത്തിട്ടുള്ള കവിയാണ് റീബ പോൾ. വിയർപ്പു ചിന്നാതെ ആ പദങ്ങളോടൊപ്പം അടിവെച്ചെത്തുന്നത് പ്രയാ സകരം. കരഞ്ഞു കനത്ത കണ്ണീരു കൊണ്ട് സ്വന്തം അസ്മിതയെ കുതിർ ത്തെടുത്ത് റീബ കവിതയുടെ വിത്തുപാകുന്നു. ഓരത്തെ കൊന്നയ്ക്ക് ചെറുനാവുണ്ടായിരുന്നെങ്കിൽ അത് റീബയുടെ വാക്കുകളിൽ അലറിവിളിച്ചുകൊണ്ടേയിരിക്കും, അനവരതം, തെരുവിലരങ്ങേറുന്ന അനീതിക്കെ തിരെ. റീബയുടെ കാവ്യകേദാരത്തിൽ കണ്ണീരുണങ്ങാതിരിക്കട്ടെ.

- കെ.വി.രാമകൃഷ്ണൻ

റീബ പോളിന്റെ കവിതകളിൽ എന്നെ ഏറ്റവും ആകർഷിച്ചത് പുതിയ ഒരു കാവ്യഭാഷയ്ക്കായുള്ള ശ്രമമാണ്. ആ ഭാഷയിൽ തനി നാടൻ പദങ്ങ ളുണ്ട്, കാവ്യാത്മകമായ പ്രയോഗങ്ങളുണ്ട്, പുതിയ ഉപമകളും രൂപക ങ്ങളുമുണ്ട്, ചിലപ്പോൾ ഇംഗ്ലീഷ് വാക്കുകളും കവിതകളുടെ വരികൾ പോലും ഉണ്ട് -മായാ ആൻജെലുവിൻ്റെ 'സ്റ്റിൽ വി റൈസ്' പോലെ. ഈ ലോകത്തിൽ മനുഷ്യർ എന്ന പോലെ വൃക്ഷങ്ങളും സംസാരിക്കുന്നു. അനുഭവം എന്നാൽ മനുഷ്യനുമാത്രം ഉണ്ടാകുന്നതല്ല എന്ന് പ്രഖ്യാപിച്ചു കൊണ്ട്. ഇങ്ങനെ അനുഭവങ്ങളുടെ പല മാനങ്ങളും ആവിഷ്കരിക്കു ന്നവയാണ് ഈ രചനകൾ. മരങ്ങൾ മിണ്ടിക്കൊണ്ട ഇരിക്കട്ടെ.

- സച്ചിദാനന്ദൻ